古巨基與金牌大風因續約是非反面收場，更慘被「太子爺」鄭中基和CEO陳輝虹明嘲暗諷，最後雙方結束六年賓主關係，基仔決定良禽擇木而棲，過檔英皇再闖高峰，昨日英皇豪擲過百萬，在北京六星級酒店The Ritz-Carlton舉行「英皇娛樂古巨基登基大典」，並安排八位穿着古代盔甲的武士手拿卷軸，宣揚基仔八大威水史，包括：「勇奪全球多個地區最受歡迎男歌星」、「曾推出大碟35張，總銷量超過900萬張」、「香港十大傑出青年」等，而基仔就坐在龍椅上擺出型仔甫士架勢登場，寓意他登上皇帝寶座，強勢加盟，加上現場有舞獅助興，氣氛熱鬧。英皇行政總裁吳雨與唱片及藝人管理部總監霍汶希均有出席簽約儀式，吳雨更代表公司送上玉璽，配合基仔的皇帝身份。
頭炮與阿Sa領獎
據知，英皇已為基仔訂下連串大計，簽約後的頭炮工作是今天將跟蔡卓妍（阿Sa）於北京以「流動圖書車大使」身份出席記者會，接受「榮譽市民」獎狀。星期五（五日）英皇將移師澳門再為基仔舉行盛大的歡迎加盟記者會，屆時老闆楊受成和「一姐」容祖兒都會出席。此外，英皇又計劃為基仔推出廣東碟、國語碟、接拍廣告、開拍電影等，讓他實現自導自演的心願，順道為年尾的各大頒獎禮造勢。
基仔在記者會上表現風騷，明顯將金牌大風的是非拋諸腦後，就算被問到過檔是否因與鄭中基鬧不和，他亦輕鬆回應謂：「絕對唔係，要講嘅已經回應晒，之前幫過我嘅人要多謝，依家簽約新公司係新開始，希望大家專注我嘅新工作。（取代謝霆鋒一哥地位？）所謂一哥只係虛名，我覺得觀眾只會注意藝人夠唔夠努力同誠意。」
吳雨爛gag搞氣氛
至於身為08年度「最受歡迎男歌星」的基仔，被問到是否想蟬聯獎項時，吳雨插嘴笑說：「英皇冇人攞過呢個獎，想幫基仔爭取。」基仔聞言即露出燦爛笑容，但笑而不答，保持低調作風。吳雨又大講爛gag搞氣氛：「我覺得同你好有緣分，我老婆姓古，我個仔叫Leo（基仔洋名），以後姓古叫Leo都簽約，你畀心機做嘢喇，乖仔！」有「爛gag王」之稱的基仔聞言後竟啞口無言不懂回應，令全場大笑。而英皇的內地藝人海鳴威、熊汝霖和吳琼亦有出席記者會撐場，並送上文房四寶祝賀，令基仔十分開心。
文：音樂組