本文重點
應屆亞姐冠軍姚佳雯、袁小曼以比堅尼泳裝上陣做節目，繼參選亞姐之後，兩人再次胸戰比身材，其中以岩石胸見稱的袁小曼成功搶「峰」頭。
姚佳雯日前與34D有新一代「岩石胸」之稱的袁小曼，齊齊以比堅尼泳裝上陣，乘坐豪華遊艇出海拍攝亞視綜合節目《時尚生活Guide》，自選美之後再次着泳裝的姚佳雯，坦言十分抗拒：「可能係心理作用，覺得自己好似肥咗，選完亞姐我一直留喺瑞士讀書，跟住就返嚟香港，一直未有做過運動。（同袁小曼同場着泳衣有冇壓力？）冇，我哋拍嘅嘢唔同，佢介紹泳衣，我介紹遊艇，佢身材好個個都知。（怕唔怕畀佢身材搶風頭？）我覺得着衫最緊要適合自己，我同小曼識咗好耐，唔介意被佢搶風頭。」
雨天拍攝凍到震
此外，拍攝當日，氣溫只有攝氏廿一度，而且天陰有雨，難怪姚佳雯凍到震騰騰，她謂：「有冇做咩保溫措施？冇呀，淨係帶咗件褸，原本仲話要落水，但因為導演驚我哋凍親，所以取消，真係好彩。」
文：影視組