無綫舉行的歌唱真人騷《超級巨聲》將於七月十九日首播，過百名參賽者昨在奧海城出席首輪面試，期間無綫綜藝及音樂科高級經理陳家揚透露，今次活動吸引過二千人報名，大會將進行多輪面試，在二千人中選一百名參賽者入圍，再經過多個月的淘汰賽選出冠軍。
眾參賽者中，以十二號林蕙表現最出色，她唱的英語版《冷戰》即《Silent All These Years》，聽得評判張敬軒、張繼聰、方皓玟如癡如醉，而八號參賽者陳康健獻唱曹格歌曲《3721》亦很出色。
張敬軒說評分標準着重潛質及台風，參賽者的表現愈出位愈博得高分：「揀我啲歌唱會加分，今次台上可能有好多我嘅競爭對手，平時唱K，朋友中我唱得最差。」此外，提到關楚耀日前外出與家人食飯，軒仔說不知情：「佢好孝順，咁都好，唔使成日匿喺屋企。（話佢年底復出？）唔知，最緊要佢睇係好時機。」