唐詩詠的母親早前病逝，加上哥哥炒燶股票，父親又退休，她頓變家庭經濟支柱，並孭起家中為數數十萬的債務，所以她每月出糧便清袋，幸有男友崔建邦（Amigo）的經濟及精神支持才捱得過去，並希望無綫用兩人情侶名義，多接騷搵真銀來幫補家計。
與詩詠一起已五年多的Amigo昨謂：「佢係我好朋友，有事當然會幫，（出幾多錢？）幾多唔會講，（介意以情侶檔出騷搵錢？）唔介意，反正幫到佢又有生意，但現實生活兩人嘅感情就唔講啦。」詩詠則謂：「Amigo精神上幫我，但債務就梗係自己解決，不過我日常開支，佢都會幫我，例如請我食飯啦。」
