前晚黃偉文（Wyman）出席Dior活動時，笑言早前自己的生日派對嘉賓陣容強勁，比起同日出席LV活動的嘉賓更多。由於派對的主題是扮靚，故各人都悉心打扮，Wyman大讚當日打扮性感的好友徐濠縈難得賣大包，他說︰「估唔到Eason（陳奕迅）整條裙嚟，容祖兒諗咗四個造型，阿徐直頭賣大包，佢自己結婚都冇賣大包，仲有啲係你哋影唔到，吳君如帶埋個女嚟，三代同場！」
身為潮人的Wyman，想不到連收生日禮物也特別過人，原來麥浚龍（Juno）兩兄弟送上「元寶蠟燭」，Wyman說︰「最意想不到，係Juno送一大抽黑色蠟燭，佢阿哥就送元寶形嘅碟。（即係元寶蠟燭？）係，唔知係咪夾埋，屋企人見到都話啲朋友送咁嘅嘢，我哋潮人冇所謂，靚就得！」