容祖兒（Joey）昨日於銅鑼灣鬧市現身，惹來眾多途人圍觀。對於天水圍發生掟鏹水彈事件，Joey慨嘆社會太多怨氣，但自己從不會拿母親出氣，不滿時會飲汽水吐氣洩怨。
Joey昨日出席可口可樂舉行的《開動快樂》MV首播會，她很識做以「紅色look」現身，又以三支汽水樽吹出「mi do re mi do 」的廣告歌旋律。
指歌迷受過軍訓
完成首播儀式後，Joey由商場徒步到行人專用區宣傳，她興奮地說：「今日星期六，難得嚟到銅鑼灣吸吓地氣。（怕唔怕惹起混亂？）擺明嚟製造混亂啦！講笑啫，我啲歌迷好乖嘅，受過軍訓㗎，唔乖我會鬧佢哋，但通常我唔鬧係唔出聲。（係咪會黑面？）會㗎，我唔出聲仲恐怖過鬧人。」
提到天水圍發生「鏹水彈」傷途人，問到置身鬧市可會感擔心？Joey則謂：「依家呢個社會心態好唔健康，要諗啲紓解方法。」一向與母親感情要好的Joey，坦言未試過向母親發脾氣：「對一個最錫自己嘅媽咪發脾氣，呢啲係衰女嚟，有怨氣咪飲支汽水吐啖氣出嚟囉。」
排場十足惹混亂
Joey大爆母親讚其MV造型很「細個」，她笑言：「阿媽一早起身睇到啲廣告相好開心，仲話影得我好細個喎。」她又自封「師奶殺手」，因母親是一名師奶。
每逢天后Joey出巡必會惹來「萬人空巷」的場面，Joey由近十名保安包圍開路步行到行人專區，因排場十足，引起市民一陣騷動爭相拍照，為怕再起混亂，Joey在店舖前拍照不足三分鐘便急急離去。
文：音樂組