關心妍（Jade）雖然與bma的十年合約經已結束，但bma對Jade可謂有情有義，昨日仍派女助手陪同Jade出席活動，盛傳將與男友拉埋天窗的Jade披露對方近日的行為似有意向她求婚。
讚男友靚仔咗
Jade與新四人女子組合Etenity Girls昨日出席「現代美容中心大埔超級城分店一周年誌慶」，身為美容中心總裁的曾裕在台下不停與Jade咬耳仔，由於Jade已約滿bma，不過仍見bma的女助手陪同出現，問到Jade不續約是否要披嫁衣？她甜笑：「唔係，想停一停諗吓嘢先。（對樂壇死心？）唔會。」
問到男友是否打算開娛樂公司？Jade否認說：「唔會，佢唔掂呢個範疇，我同bma合作咗十年。（敵不過十年之癢？）係長途賽完咗。（唔做一姐？）從來冇覺得自己係。」近日不斷傳出她年底下嫁拍拖多年的男友楊長智，問到男友近日有否異樣？Jade說：「靚仔咗，心情好好，唔知係咪想同我求婚。」
互相畀安全感
另外，Jade透露與男友的感情非常穩定，她說：「互相畀到安全感大家，感情係好需要忠誠，做女人最緊要係適當時候做適當嘢，我畀好大自由度佢。」
採訪：音樂組