前晚名模周汶錡（Kathy）與諸葛梓岐一同出席GVSTO意大利餐廳開幕活動，並順道參與餐廳為香港保護兒童會籌款的晚宴。
有法籍男友的Kathy表示最愛吃意大利菜：「意大利甜品同薄餅，仲有意粉都係我至愛，有時去法國都會叫意粉，不過就會遭人白眼。（咁意大利男仔呢？）非常好啦，又熱情，係自己識唔到之嘛！不過其實邊度國籍都好，最緊要兩個人真心相愛！」
而同場的諸葛梓岐則謂與男友都很喜歡小朋友，問到將來會生多少個？她說：「咁長遠未諗喎，結婚都未有計劃！」談到早前男友與她買同款的七人情侶車？她甜笑說：「我冇畀意見㗎，不過我哋出街都係坐同一部車，環保嘛！」
