房祖名前晚一拖幾女出席紀錄片《大藍鯨》首映，當中包括上山詩鈉女兒。談到契爺陳自強日前生日，祖名表示有致電恭賀，原定與母親相約飯局慶祝，不過因契爺忙於工作而婉拒好意，祖名更謂：「契爺話好開心我記得佢生日，不過又突然好感慨話唔知自己仲有幾多個生日，聽完之後我好心噏，唔知佢發生咩事，所以等契爺忙完要約佢食飯傾吓偈。」
祖名笑指契爺近日忙於挑選港、日兩地女子組合人選，身邊朋友擬透過他自薦，但卻遭他潑冷水：「我叫佢哋唔使諗，反而我諗住做旅遊大使，等啲日本女仔嚟香港做佢哋盲公竹。（同爸爸爭飯碗？）佢咁忙做唔切，等我幫佢分擔吓！」
