本文重點
英皇十星為慶祝唱片公司十周年，鄭希怡（Yumiko）、泳兒、鍾舒漫（Sherman）均盛裝登場，Yumiko露香肩、泳兒大露背、Sherman則晒長腿，實行鬥靚鬥性感；穿上tube dress的Yumiko為免重演「甩衫事件」，早已做足安全措施及嚴戒舉高手。
Yumiko以師姐身份帶領眾師弟妹，包括泳兒、Sherman、湯怡、陳偉霆（William）、洪卓立、吳浩康等十星，昨日齊為「英皇十周年回顧展覽會」進行揭幕儀式。Yumiko、泳兒及Sherman不約而同地作性感打扮，自知「胸不如人」的Yumiko，就選擇穿上名牌露肩短裙搶鏡，可惜卻被取笑她似披枱布上身，Yumiko大發嬌嗔說：「成三千幾蚊㗎，今年興民族feel呀。」
泳兒玉背留bra痕
Yumiko年前曾因跳甩衫而走光，問她可有做足安全措施？她信心十足的說：「梗係有啦，我入面着咗衫同短褲，條裙係靠條繩綁實，我已經叫助手幫我打個死結，仲有，我喺屋企喪跳咗十五分鐘都冇甩，雖然我都係唱《舞吧！舞吧！》，但我唔舉高雙手就冇事，唔會再畀你哋（傳媒）影到。」
至於「有料之人」泳兒及Sherman卻齊齊封胸，改為露背及晒長腿，不過較為美中不足的是，泳兒的背部留有胸圍印，而Sherman則露桃紅色bra。問泳兒可知背部留bra印，她腼腆說：「係呀，應該早啲除（胸圍）。」而Sherman則強調沒有D cup身材，雖然和泳兒已穿上四吋高跟鞋，可惜仍不及Yumiko高。
William自認唔乖仔
另外，泳兒及Sherman前晚齊出席一個頒獎活動，泳兒獲頒型格獎，她表示最滿意自己的鎖骨，又為胸大難揀跳舞衫而煩惱。
William前晚以推廣基本法大使身份出席活動，他自言不是乖仔，但為免影響形象，都會小心言行，他表示未有聽聞圈中有男藝人嫖妓，覺得男藝人都屬靚仔，毋須召妓。
採訪：音樂組