樂隊朱凌凌早前到電台宣傳，更首次在直播室內現場夾Band，大佬朱栢謙表示：「我哋玩咗三首歌，細佬頭先唱《Do You Want To Give Up》嗰陣差啲唱到腹肌抽筋。」
朱凌凌透露近日脫離「孤兒仔」行列：「有個朋友由出道開始就支持我哋，所以依家搵佢做經理人，有咩事都畀晒佢搞。」成員Chris曾為孫燕姿演唱會負責視覺部分：「今次機會好難得，希望可以去學多啲嘢，下次朱凌凌演唱會用！」成員白只早前被拍到與張繼聰去揼骨：「嗰度係好正經嘅地方，好多行內人都去做治療。（謝安琪有冇打畀你？）冇呀，不過佢平日搵唔到老公就真係會打畀我，我哋係光明正大㗎！」
