本文重點
何潤東在劇集中陷入三角苦戀，而現實中，他自爆曾受感情重創，令他一度要停學及憎恨女生，幸好時間漸漸沖淡他的「傷痕」。
何潤東與內地人氣組合男才女貌的成員戚薇，還有演員張國柱，昨到澳門拍攝劇集《泡沫之夏》，劇情講失戀的何潤東，透過玩劍擊以重拾失去的痛楚回憶，而現實生活中，何潤東自言十分變態，喜歡「被虐」來減壓，他說：「自己好變態，試過叫朋友一齊對打，打到隻手瘀晒，之後感覺好放鬆。」
劇中他與大S（徐熙媛）、黃曉明會發展一段三角苦戀，而現實中，何潤東透露在高中讀書時，曾被女友狠飛，令他傷心過度要停學三個月，他說：「當時喊到眼都腫，曾挽留這段情失敗，好傷心，要停學三個月，半年內都好憎女仔，呢個陰影要好耐才消除，而且要對方嘅媽咪嚟鼓勵我、叫我振作。」
百五萬值得
此外，對於有指將來市民亦可以用一百五十萬元上太空，何潤東聞言十分雀躍，還表示會將消息講畀大S知，他說：「因為我哋兩個都好鍾意外星人，搵埋佢一齊上去傾劇本都好，但係佢一定打死我。（花一百五十萬元值得嗎？）值得，一生人一次。」
文：影視組