黃長興、高鈞賢、羅天宇、袁偉豪、陳敏之及六位「美味天使」昨日出席無綫《2009香港先生選舉》宣傳活動，期間問到黃長興會否提名哥哥參選「港男」？他擰頭表示不會，揚言哥哥做番現時行業會更好，而問到是否因為細佬黃長發搭上有夫之婦的負面新聞，而不敢介紹哥哥入行？他謂：「唔係，當年細佬細個，依家佢長大咗，有自己決定、主見。（有冇同細佬聯絡？）有，佢依家不斷增值，讀法文文憑，嚟緊教法文班。（佢唔係掛住曬太陽咩？）唔知，應該要有休息時間，知佢多同Karen一齊。（認同佢哋段戀情嗎？）眼見佢哋戀情好認真，順其自然，不過我未見過Karen。」
此外，現場幾位「港男」大玩拳擊，其中羅天宇表現較為姐手姐腳，事後他表示：「我都玩過一、兩堂打拳。（係咪跳舞叻啲？）係啩。（會唔會叫朋友參加港男？）會叫同學參加。會唔會叫細佬參加？佢得十四歲，等佢十六歲先。」而高鈞賢透露自當選港男後工作不斷，遲些有機會參演「laughing哥」電影版演出。