天后楊千嬅為迎接炎夏變身，清新打扮接拍全新飲料廣告，廣告中千嬅「刀舞」兼施切蘆薈，現場豪攬蘆薈外，道具古董車更觸發其車癮，技癢欲親自駕駛，達成「古董車女車神」心願。
向來形象健康的千嬅，最近獲邀擔任雀巢全新口味飲料代言人。廣告中，千嬅為配合夏日來臨，以清新形象示人，講述千嬅與朋友參加嘉年華，邊跳邊切蘆薈粒，現場「操刀」的千嬅自嘲平日少入廚：「今次用刀切蘆薈嘅動作，可能比我真正用刀切嘢嘅次數仲多！」
見識原蘆薈
拍攝過程中，千嬅更有重大發現，把千嬅嚇了一跳：「導演將條完整嘅蘆薈畀我嗰陣，真係嚇一嚇，因為平日食嘅都係一粒粒，今次係第一次攬住整條蘆薈，都幾重手！」能夠成為代言人，千嬅當場亦識做，大賣口乖說：「可以代言自己鍾意嘅產品當然高興，尤其加上我最愛嘅雪梨茶！」
專業唔怕累
廣告於綠油油草地取景，拍攝過程長達兩日，但要率領眾演員排練大型歌舞的千嬅，不但未有怨言外更專業表示：「好製作係要花心機同時間，最重要令觀眾留下深刻印象，自己亦好鍾意戶外拍攝。」
而自認古董車迷的千嬅，在現場看到道具的橙色古董車更即時車癮大發，她興奮地說：「我好鍾意揸車㗎！對古董車特別有興趣，但一直都冇機會揸，今次終於達成心願啦！」
文：音樂組