周國賢（Endy）早前被影到在公園跑步，甜蜜地與韓籍太太咀嘴，他昨日到電台宣傳時笑說：「託賴！」日內是他與太太結婚七周年紀念，他計劃與太太到澳門共度二人世界：「當年註冊、擺酒分開兩日，所以年年都慶祝兩日，（飛甩兩個女？）係呀，當然放喺阿媽度。」Endy更笑言無懼七年之癢：「依家啲人三年就癢，我早就過晒。」
已育有兩個女兒的他，坦言無意追個仔：「除非天意，兩個夠啦，湊細路好嘥精神。」去年因屋企的海味生意有問題，所以他返去幫老竇手，他說：「呢排細佬返，我暫時做番音樂，都諗緊將來會唔會放棄唱歌幫屋企人。」他直認夾Band搵不到食：「我哋Zarahn啲成員各有正職，有個做金融業，年薪都七位數。」
