鄧萃雯（雯女）昨日擔任《志雲飯局》嘉賓，04年她失意台慶女主角獎項，問陳志雲今年是否給回她一個獎時，他說：「咁早！未有耐，不過頒獎禮今年會有新構思，受埋台慶劇玩，依家我哋睇吓可唔可以安排十二月底先舉行，（隔咁耐對四奶奶唔公平！）點都會有影響，到時我哋都會宣傳番佢個劇。」陳志雲又透露今年台慶劇很大機會是《富貴門》、《宮心計》。
雯女又醒目向陳志雲道：「嗱！唔好話我冇食飯，今日食咗嘞！」之後她說：「其實依家先係半年，仲有咁多個劇，能夠拍到《巾幗梟雄》這個完美組合好滿足，04年之後我已經睇化咗！獎項對我唔會有壓力。」陳志雲說：「如果我話個獎係佢，佢都唔開心，咁咪話內定，佢個人最公道，最唔鍾意內定。」雯女笑謂：「我冇乜所謂嘅！」