擁有33C、24、34魔鬼身材的楊思琦，一向是泳衣job的搶手貨，不過近年一眾模來勢洶洶，搶去不少泳衣騷的工作。不過思琦揚言不怕受威脅，最近還成功續約做纖體公司代言人，保住一姐地位。
憑着「童顏巨乳」跑出的楊思琦，一直力壓一眾無綫花旦，成為泳衣騷價一姐。不過近年有不少靚模如周秀娜、趙碩之等以身材作賣點，搶去不少泳衣騷的工作。對於靚模入侵，思琦沒有覺得受威脅，還淡定地說：「最重要係keep得好，其實模界同藝人嘅市場都唔同，佢哋有好多硬照或catwalk，但我哋就入屋啲，好難比較。」
讚周秀娜
話雖如此，思琦仍非常留意一眾「對手」，更大方地讚周秀娜，她說：「佢身形都好好。（最近佢代言嘅纖體廣告好hit，怕唔怕有比較？）每間公司都會搵條件合適嘅女仔嚟做，只屬良性競爭。」
思琦如此淡定，原來她最近已連任「纖得掂」的代言人，早前還拍攝了多個不同的纖體及豐胸硬照，當中包括泳衣top加短褲、X形連身泳衣、桃紅色露腰晚裝裙、藍色閃片裙等十多個不同造型。
少食多餐
思琦表示很滿意出來的效果，更表示服裝均由專人設計。而在拍攝時，思琦因擔心有肚腩仔，寧願暫時捱住肚餓，她解釋謂：「食完嘢始終會有肚腩仔，所以拍咗十個鐘都唔敢食嘢。基本上平日都會少食多餐，但一啲鬼祟位，例如手臂嘅bye bye肉同肚腩就一定要搵纖體公司幫忙。」她又透露酬勞比去年多，有六位數字。
文：專案組