林峯下月將舉行兩場演唱會，今次個唱以水為主題，他坦言若觀眾不介意「濕身」可一起上台玩。對於門票的銷售情況，他表示不擔心，只會做好本分，屆時大陸及各地的fans更會組團來港捧場，為他打氣。
鍾嘉欣任嘉賓
林峯下月十七、十八日將於紅館舉行兩場演唱會，英皇對他非常厚愛，以昂貴價錢給他於隧道口最當眼處賣廣告來造勢，據知他邀請王祖藍擔任嘉賓，記者致電無綫高層樂易玲，她說：「表演嘉賓有鍾嘉欣，王祖藍我仲未開聲同珍姐（曾勵珍）度期，林峯有好多朋友，不過都要同導演商量，所以仲未講得住。」
唔理賣票情況
向來人緣好的林峯，今次是打盡友情牌，而演唱會以「水」為主題，台上有灑雨效果，大玩濕身，林峯笑言若觀眾不介意，可以上台一起玩。林峯出過兩隻唱碟，問他怕否不夠歌？他說：「自己都有新歌，今次演唱會大部分會唱自己嘅歌，當然亦會唱人哋嘅歌，希望觀眾可以睇到唱情歌以外嘅我，所以到時都會有啲動態嘅演出。」
為了可以與fans近距離接觸，舞台方面設計成四面台，說到門票的銷售情況，他謂：「呢啲都唔係自己控制範圍，做好本分就OK。」而不少好友已託他買飛，各地的fans更會組團來港為他撐場。
文：影視組