亞視小花吳亭欣（LuLu）負面新聞不絕，最近又被爆曾多次自言有富豪朋友「贊助」名牌手袋，及與富商馮潮澤食魚蛋粉後，有人在亞視Canteen得戚揚言：「依家冇必要搵個人過世，同佢玩吓啫！」
曾親身聽過LuLu感情事的張家瑩說：「起初聽到『贊助』都好愕然，後尾至知原來係話搵人送！LuLu同我講感情事，我以為佢當我朋友，後尾至知佢根本冇攞個心出嚟。」
而日前頂替LuLu出席宣傳，卻換來一肚氣的筱靖說：「同佢都係Hi Bye Friend嗰隻啫，講到扮妲己，我真係唔夠佢咁傳神！」
而陳啟泰則貫徹其有口德的性格說：「佢份人幾純、幾乖，佢冇同我講感情生活，或者我係男士啦！」
而曾被LuLu鬧爆的海俊傑則說：「我同呢個人冇關係，上次單嘢係被人攞咗嚟做宣傳，呢個世界有好人亦有唔好嘅人嘅！」