緋聞情侶鄭嘉穎與佘詩曼昨日為劇集《宮心計》拜神時與「女兒」一家三口齊拍溫馨全家福，合照時兩人笑得相當甜蜜。不過，阿佘接受訪問被問到幸福全家福時，突然語態冷淡說：「唔幸福呀！」
鄭嘉穎、佘詩曼、陳豪、楊怡、米雪、張國強等劇集《宮心計》演員昨日為劇集拜神。當阿佘邀請劇中的女兒來大合照時，張國強即起哄戲弄嘉穎，恭喜嘉穎有個女，還問嘉穎究竟女兒姓甚麼？嘉穎笑得十分燦爛說：「當然係姓高。（嘉穎劇中姓高）」之後嘉穎與阿佘亦順應要求與「女兒」合照，湊成一幅一家三口的幸福圖片。
被玩無力反擊
嘉穎對於被玩坦言無力反擊，他說：「冇嘢喎，KK（張國強）係我哋嘅開心果，開工有佢開心好多。」嘉穎表示由於《宮》劇需要死記文縐縐的對白，令他記憶力未能兼顧其他事情，連駕車也未能集中精神，而不自覺超速遭扣五分。
米雪有諗結婚
阿佘與嘉穎一家三口合照笑得十分甜蜜幸福，但接受訪問時又突然轉為冷淡，她說：「哼！唔幸福呀！（剛才畀KK玩尷尬嗎？）唔尷尬，我都聽唔到。（劇情係咪嫁畀嘉穎，幸福結局？）算係嫁畀佢，但係咪幸福都未知，因為第三十集嘅劇本喺監製度，仲未知係咪Happy Ending。」
汪明荃與羅家英在外地註冊結婚，問米雪會否效法呢？她說：「我同男友都第一時間SMS恭喜佢哋，我都可能會即興㗎，等家英哥返嚟請教吓佢，睇吓點先啦。」
採訪：影視組