梁漢文（Edmond）昨日穿上長袖軍褸出席活動，搞到滿頭大汗，對於有傳古巨基不續約金牌大風，Edmond說：「實際唔清楚，因為唔八人哋嘢。」問到黃栢高有否向他提及基仔約滿一事？Edmond說：「冇，人各有志，可能基仔攞完『最受歡迎男歌星』有另一想法。（係咪覺得佢唔飲水思源？）我冇講過，可能佢去到某個位置有另一諗法。」
此外，金牌大風董事昨晚突宣布現職董事總經理的黃栢高擢升為「金牌大風香港區主席」，全力拓展公司之電影發展業務，陳輝虹則出任「金牌大風香港區行政總裁」，主理音樂製作及經理人事務。盛傳栢高今次調職是跟大老闆鄭東漢不和，栢高昨晚說：「絕對冇咁嘅事，電影正在膨脹緊，有好大發展潛力，我要掌握呢個機會作新挑戰，集中精神去搞。」