容祖兒昨日一身民族look、戴上墨鏡出席戶外活動，剪了一頭短髮的她坦言感覺很爽，吹頭一分鐘就搞掂，她又透露早前因擔心新專輯搞到徹夜難眠，幸好反應理想才放下心頭大石。
容祖兒及張敬軒昨日以大使身份與鄭融、鍾舒漫、徐子珊、陳偉霆、HotCha等人出席「太陽計劃2009升旗日」，眾星以不同年代造型出場，由於在烈日當空的場地舉行，一眾歌手慘被乾煎半小時，搞到汗流浹背及眼矇矇。醒目女祖兒以露肩裝亮相，由於活動每次都會落大雨及打大風，身為大使的她表示會打破宿命：「會盡力book定太陽伯伯。」
陳偉霆做排舞師
祖兒透露因剪了短髮節省吹頭時間：「依家吹頭一分鐘搞掂，將時間做啲對人生有意義嘅嘢，包括睇書增進知識。」剛推出新專輯的她近日頻頻見人，她說：「反而多咗時間瞓，之前因為出碟太大壓力搞到失眠，女仔搽咩都冇用，睡眠時間最緊要。」
同場的陳偉霆透露會為大會做排舞師，並希望可以同蔡依林合作：「加啲瑜伽動作畀佢，要佢一字馬咁出場。」而鍾舒漫被問到其妹鍾舒祺是否有意入行？她說：「唔知。（組Twins？）冇呢個諗法，佢大個女自己搵自己條路。」
鄭融着樽領嗌焗
另外，穿上樽領及長袖宮廷裝出現的鄭融，透露已做足防曬措施：「真係好焗。（有冇暈？）咁又冇，嚟之前都知戶外搞，所以手同面都搽晒防曬。」
採訪：音樂組