本文重點
人紅自然是非多，但劉俐（藍莓）寧願是非少，最怕被人誤會的她坦言自己內心未如外表成熟，更笑言天生樣貌「唔nice」，因而令人誤會自己「唔nice」。
劉俐自《耳分高下》後即成為眾「天使」焦點，但來到《美女廚房》就頻頻被「搶鏡」，先有Rainbow自爆被方力申狂追，再傳香蕉被側田非禮，風頭被蓋的她卻毫不介意，她說：「我好驚是非，如果多人識但冇人鍾意，咁我寧願少啲人識，但識我嘅人會鍾意我。」
內心不如外表成熟
對於剛出道時是非纏身，劉俐笑言可能因為自己天生個樣「唔nice」，她說：「坦白講我外表唔係純、乖嗰啲，但真實嘅我係一個唔多事嘅人，一定唔會搞是非！仲有我都幾傻、幾搞笑㗎。」她坦言自己只是個19歲女孩，內心不像外表成熟，她說：「都好驚啲人假。我最介意人哋誤會我，怕人哋以為我爛玩、博上位、人品唔好。」
入娛樂圈後，劉俐表示成長了很多，但她仍未看清自己的未來：「好多人以為我簽咗無綫，其實我依家仲未，都係睇定啲先，希望可以快啲搵到好公司。」
文：專案組
攝：劉智源
髮型：Rits@Hair Corner