李詩韻、楊怡日前為無綫古裝新劇《宮心計》拍攝一場掌摑戲，劇情講述二人同樣貴為皇上妃子，為爭寵經常爭風呷醋大打出手，李詩韻要大巴大巴摑楊怡，鏡頭前二人你爭我奪，但鏡頭後卻老友鬼鬼。
李詩韻直言很怕打到楊怡：「演古裝妃子要留長手甲，所以好驚會摑花佢塊面，壓力好大，我哋係咁度位，嘗試唔真打，但效果唔好，最終都要真摑，當然會錫住佢，唔會用力啦！遲啲劇情講佢會打番我，仲要畀佢打兩次，希望到時佢會錫番我啦。」
楊怡則表示被摑最受苦是頸部：「詩韻錫住我嚟打，塊面點會痛？反而條頸就痛啲，因為個頭飾好重，令到條頸又攰又痛，不過為咗拍攝出嚟靚，無論幾重嘅頭飾都頂得住，戲內頭飾最重嘅人一定係心姐（謝雪心），因為喺宮中級數愈高，頭飾就愈重！」