五年沒拍拖的鄧萃雯經歷過年少時的任性，不但傷害了人，更苦了自己，故現只追求精神戀愛，不一定要伴侶。
雯女在《巾幗梟雄》中的「四奶奶」是剛強的話事人，而她也是自己感情生活的話事人，年少任性想愛就愛，結果傷害了別人，自己聲名受損，近年她變得心如止水，經常形單影隻，她淡淡的說：「依家真係有又得冇又得，以前都唔係唔得嘅，係唔悶得囉。以前都算傷過人又傷自己，過程中我都快樂過。」
不亂拍拖
雯女清楚自己喜歡戀愛，不過現已到不同階段，不會再亂拍拖，變得刻意謹慎：「以前亂拍拖，係因為早年父母分開，缺乏父母嘅愛，周圍搵愛嚟代替，依家有番同父母嘅愛，需要控制自己嘅感覺，唔可以太易心動，另一個原因係人長大咗，要珍惜擁有嘅一切。」
情感抒發
現時雯女的戀愛態度是她追求精神戀愛，跟男性朋友着重思想上能否溝通，不需要一定在一起：「我依家都有幾個唔同嘅男性朋友，可以喺工作、生命、藝術上分享到，情感上都得到抒發，只不過唔係同一個人之嘛，要搵一個人有齊所有嘢，邊有得搵？隨緣啦。」
文：影視組
髮型：Michael Lam@TONI&GUY
服裝：Calvin Klein
場地：TONI&GUY