本文重點
楊千嬅一年前親臨經歷世紀天災的北川探訪，一張張掛在臉上的絕望表情至今記憶猶新，最近千嬅重臨舊地，所見到的再不是哀傷及悲鳴，災民們已各自展開新生活，令向來勇字當頭的千嬅自覺渺小。
千嬅早前與古天樂、楊采妮到北川探訪，並參觀當地重建的學校及房屋，獲大批村民歡迎，災民雖然曾經歷浩劫，不少更失去至親，但經過一年時間，似乎已慢慢平復過來，於政府資助下開舖頭展開自力更生的生活，一些年幼的小朋友，根本未懂得這次浩劫帶來的傷害，快樂地生活，他們看見千嬅與古仔便如蜜糖般黐到實，母愛氾濫的千嬅更與小朋友彈琴唱歌，又齊齊玩砌積木，還把文具及糖果分派給他們，逗得眾人笑聲連連。
永不放棄
雖然此行匆匆逗留四天，但對千嬅來說感受良多，她謂：「感覺上係冇咁慘，只要唔好撩到佢哋內心深處，同佢哋傾偈都表現得好積極，我覺得呢個世界好多問題控制唔到，自己其實好渺小，所以希望有能力幫到人，咁樣生命力都強啲！」千嬅更寄語大家即使遇上困難，亦不可輕言放棄，她謂：「世界仲有咁多路可以行，唔會冇路行嘅，只要一日唔放棄就有機會。」
文：影視組