范萱蔚桃花旺追求者眾

范萱蔚將推出新歌，早前她拍MV時便邀請大班男性朋友客串演出，她解釋：「新歌講女主角好多男仔追求，所以我搵晒成班男仔朋友嚟追我，仲逼佢哋揸埋靚車。（當中有冇真正追求者？）冇，可能因為年齡差距問題啦。依家冇拍拖，可以更專心工作。」對於香港發現豬流感個案，范萱蔚表示擔心，她說：「平時有摸鼻嘅小動作，依家要戒，仲要勤啲洗手。」

母親節將至，范萱蔚笑言媽咪要求好簡單：「因為我哋係大家族，每逢節日都會約埋成班姨媽、姑姐一齊喺屋企食飯，母親節當日一班媽咪級嘅唔使做，仔女就負責煮飯，全力服侍佢哋。」