緋聞多多的徐淑敏（Suki）與吳卓羲在新劇中由鬥氣冤家變成恩愛夫妻，但現實中兩人卻未能擦出火花，沒有傳緋聞，Suki亦感到奇怪，她說：「吳卓羲開工時好Cool，我都驚咗佢，所以大家都好少傾偈。」
Suki在劇集《巾幗梟雄》中飾演一個活潑鬼馬、經常與吳卓羲鬥嘴的角色，兩人雖然經常鬥氣，但不是冤家不聚頭，兩人最後卻結為夫妻。
自認似公主
Suki接受專訪時，指喜歡鬥嘴的角色與現實的她很相似，她說：「我由細駁老竇嘴駁到大，佢講一句我駁一句，駁嘴駁到老竇想打我咁滯。」問Suki對男友是否會駁嘴？她說：「都係照駁可也，不過係合理嘅過分，同埋以前嘅男友都當我係公主咁，我係合理嘅過分啫。不過女人都係唔寵得，唔係好難收拾。」
劇中的Suki下嫁吳卓羲後，變得千依百順，記者問現實中的她會否為愛人改變？她說：「我覺得自己唔會有太大改變，都會做番自己，大家相敬如賓就得。」
戲外少溝通
吳卓羲與Suki的緋聞同樣是多不勝數，但出奇地，拍攝該劇時兩人連火花也沒有擦出過，Suki亦不諱言說：「真係好難得，我哋兩個都咁多緋聞。可能同佢第一次合作，大家唔熟，所以開工都好少傾偈。佢好Cool、我都驚咗佢，拍戲以外都好少同佢講嘢，我連佢電話都冇。」
採訪：影視組
攝影：司徒國榮
場地：Balalaika（諾士佛臺）
服裝：Kookai