洪欣雖與內地演員張丹峰六月才拉埋天窗，但他們未結婚已先急於買大床，為洞房之夜做最完善的準備。日前兩人十指緊扣拍拖試大床，雖然洪欣兒子莫鎬濂未有同行，但將任後父的張丹峰亦愛子心切，買大床亦不忘買禮物給莫仔，父愛盡現。
洪欣與張丹峰日前現身銅鑼灣，兩人全程十指緊扣，邊行邊竊竊私語，之後他們走進一間家品店，洪欣二話不說便走到一張大床邊，進行試床三部曲：摸、按、坐！張丹峰亦似乎十分尊重未來老婆的意見，不時點頭示好。
父愛爆棚送禮
大床還未落實，他們又隨即到首飾店睇金飾，張丹峰更不時畀意見，洪欣亦一臉冧爆，不時報以微笑。離開首飾店後，張丹峰忽然拖住洪欣走進一間兒童精品店，原來張丹峰準備買一個卡通旅行篋給莫仔，只見他十分細心，試到滿意才付款。最後，兩人忽然轉到一座商業大廈，內裏有一間由她代言的美容店「凱詩」，估計她是作婚前扮靚衝刺。
帶挈做facial
記者及後聯絡到洪欣，她坦言買大床當日心情超靚，因未婚夫十分有心：「佢真係好錫個仔！佢哋相處得好好，近排仲教佢踩單車！佢好細心，又好有耐性！所以小朋友好鍾意佢。」至於會否婚後再生BB？她說：「唔諗住，順其自然！」洪欣又笑言因老公臉上長了粉刺，當日才順路帶他去做facial，等他做個俊新郎！
文：名人組