亞視小花吳亭欣自富商馮潮澤妻子顧麗華上吊自殺身亡後，一直是大眾焦點。近日亞視勒令她即時開始放悠長假期，更連原本在5.29亞視台慶的主持工作亦被褫奪。
吳亭欣（LuLu）自顧麗華本月２日吊頸身亡後，已連續多日足不出戶，不過隨着顧麗華胞姊顧美華力斥LuLu講大話，又指胞妹「唔會無端端尋死」，間接指出有人要為妹妹之死負責後，LuLu不但心情跌落谷底，其形象亦直插谷底。
主動致電高層
據知LuLu潛水多日後，昨日終於主動聯絡亞洲電視製作行政及行動聯絡副總裁葉家寶，葉家寶憶述與LuLu的電話對話，他說：「吳亭欣當時心情好低落，亦都有喊，佢否認自己係第三者，仲話自己半年以上冇見馮潮澤，亞視係相信藝人嘅，亦唔會干涉藝人嘅私生活。（但顧美華力斥吳亭欣講大話！）誰是誰非都冇人知，亞視唔會理人哋點講，重點係藝人畀心機做好本分。（吳亭欣事件滿城風雨，亞視點善後？）亞視會建議吳亭欣即日起放一個月長假，佢原本５月29日亞視台慶有份做主持，依家會得番陳啟泰、朱慧珊同張文慈。」另外，吳亭欣早前曾為《香港亂噏》（暫名）試鏡，可惜最後亦被飛起。
否認避走美國
對於亞視的「放假建議」，LuLu昨日表示不回應，但對於玄學家吳佩孚昨日反指她「想轉移視線、搵吳佩孚做宣傳」的言論，LuLu表示保留法律追究權利，但對於是否已諮詢律師意見、有否與馮潮澤聯絡、男友Wayne有否送上慰問等問題，一概不回應，不過她卻否認雜誌指她「避走美國」，LuLu說：「喺呢件事發生之前，我已經定咗去美國出席妹妹畢業禮！」
此外，有線否認外界所指，趁吳亭欣形象插水，乘勢推出錄影多時的《玩轉姻玄路》大肆抽水，有線發言人重申：「個節目係４月14日錄影，一般都係做三、四個禮拜後期，完全按慣常程序，絕對唔係咩倉底貨，仲畀機會佢否認係第三者添！」
文：影視組