梁詠琪間唔中有花收

梁詠琪（GiGi）昨日到九巴接受訪問，透露上月在大陸不停宣傳國語專輯《禮物》，她說：「啱啱返嚟冇耐，所以畀自己休息幾日，不過母親節又要走喇，但我會送花畀媽咪，因為知佢鍾意花，每個女人都鍾意收花。（你幾耐冇收花？）間唔中都收到。（媽咪鍾意收女婿做禮物多啲？）佢唔急，佢收我隻碟開心過收女婿。」

GiGi表示稍後會花六位數字請同事旅行，對於有保母出書力數藝人不是，GiGi坦言有聽聞過，但沒有看過，她說：「我對保母好好，當佢係朋友或親人一樣。（會唔會發保母脾氣？）唔會，我會做運動發洩。」