英皇一姐容祖兒（Joey）昨日以Deep V大露背盛裝出席與著名護膚品牌MIOGGI續約儀式，Joey謙稱身材前和後沒大分別，反而後面比較滑，不介意騷「好嘢」給人欣賞。
樂壇天后Joey昨日大晒白滑玉背出席續約儀式，她透露已續約一年，由於雙方合作無間，故不會問酬勞有否加碼。最近頻頻晒玉背的Joey就自嘲身材：「前後分別唔大，後面滑啲添！」她又稱不介意騷玉背讓人欣賞。
妒忌助手36D
早前到瑞士拍攝電視特輯的Joey忙裏偷閒，與拍攝功夫到家的助手合製《忘憂草》MV，並放在個人網站與歌迷分享。她說：「花咗一晚剪片，拍嗰陣仲用電話播歌咪埋嘴，公司仲話放喺第二版CD裏面。」Joey自言對剪片有天分，又大讚負責揸機的助手「功架十足」。問到若果由助手操刀，Joey會否安心拍攝全裸寫真？Joey即哈哈大笑地說：「要商榷吓，面對佢我會自卑，佢係無敵36D飛彈！」
讚公司有商量
對於英皇唱片及藝人管理部總監霍汶希（Mani）被王傑翻舊帳，身為英皇大家姐的Joey強調公司作風有商量，給予藝人自主空間。她說：「以我身份講太多喇！多謝佢（王傑）出道嘅時候畀好多合唱機會我，希望佢離開公司後，生活愉快更加開心。」而Mani則說未有為報道感到不快：「自己本身風格唔會你一言我一句，唔想搞大件事，希望佢可以搵到合適公司，事業再衝高峰。」
另外，有報道指英皇將力捧藝人沈婷，Mani對此表示：「佢係簽咗我哋公司藝人管理，主攻電影。（係咪陪楊生巡舖？）當日沈婷係咁啱返公司喺樓下撞到楊生，畀人發大嚟寫。」沈婷是李影的女兒，Mani則稱揀選藝人取決個人潛質，不涉及人事關係說：「冇條件，點捧都捧唔到！」
文：音樂組