墨西哥爆發豬流感來勢洶洶，歐美多個國家陸續有感染個案，香港人已開始做預防措施，曾到過墨西哥拍戲的周潤發呼籲大家勤洗手。
去年一月在墨西哥拍攝《龍珠：全新進化》的發哥，現正於北京拍攝《孔子》，但仍關心豬流感的爆發情況，談到當日在墨西哥拍戲，發哥說：「我哋喺牛仔城拍，遠離市中心，不過場地都好乾淨，衞生環境OK，只係沙漠地方溫差大啲。（擔唔擔心傳到嚟？）傳嚟大陸嘅可能性真係唔知，最緊要入境時check緊啲，市民做好啲衞生設施，洗多啲手乾淨啲囉。」
千祈咪亂食藥
發哥又勸大家暫不要亂食藥，免得有事時再食會失去效用，問他會否暫停吃豬肉，他說：「咪唔食住囉，就算食，將啲肉煮熟啲，煲湯都煲到啲菌死晒啦。」
至於新婚的袁彩雲曾說過將到墨西哥度蜜月，由於她人不在港，其經理人Michelle表示，彩雲並不擔心豬流感問題，因最快也要年底才成行！
四哥夠膽再闖
此外，寇鴻萍投資的「采蝶軒」在墨西哥有一間分店，她了解過當地情況：「呢兩日好似死城咁，生意都大跌五成，但大家都唔想，我都有叫啲員工搞好啲衞生。」曾到過墨西哥拍《向世界出發》的謝賢（四哥）則揚言夠膽再去：「自己小心啲咪得囉，上次去拍特輯都好乾淨，豬流感只係突發性事件啫。」
溫碧霞日內與老公起程往意大利南部度假，她笑言多數留在酒店或在商場逛街購物，故不擔心，但為安全計，仍會盡量避免到人多的地方及帶備口罩同行。另外，無綫及有線均未有攝製隊在美洲拍攝，短期內亦沒有計劃到墨西哥取景。
文：影視組