古巨基演唱會前晚舉行第四場，人氣女模周秀娜（Chrissie）和男友Avis鬼祟睇騷，開場前Chrissie和女伴坐半山位，直至場館熄燈，Avis才現身陪伴女友。
而嘉賓關淑怡（Shirley）低胸上場，基仔以她的英文名諧音大搞爛gag：「頭先啲激光都唔夠『犀利光（Shirley Kwan）』犀利。」Shirley聽到即啼笑皆非說：「咁都得！」
另外，基仔前晚再着光管衫，但卻再度冒煙，工作人員即上台幫他換衫，基仔借機搞不文說：「成日辣到心口一撻撻，我想辣埋左邊平衡番。」歌迷大嗌：「睇吓﹗」基仔笑着回應說：「我賣藝不賣身。」
