有傳黎明任老闆的AMusic正處於蝕錢階段，為廣開財路，近日有指黎明看中模界「吸水力」強，有意打本給本地模界一姐兼女友樂基兒（Gaile）開模特兒公司，主力找行得演得的名模及模助陣。
不過準「掌舵人」樂基兒昨日卻透過助手否認此事︰「冇咁嘅事，Gaile自己都唔知。」至於樂基兒所屬的模特兒公司Calcarrie's則有信心愛將不會自立門戶︰「Gaile由十七歲嚟香港到依家都係同我哋合作，之前好多模特兒公司搵佢過檔佢都唔過。未來兩個月佢嘅期滿晒，仲有好多廣告合約到2010年先到期，而且佢從未同我哋透露過佢想開公司。」
