黃百鳴愛女黃漪鈞（Alvina）前晚在中環Pi舉行生日派對。身為智理廣告有限公司老闆的Alvina，獲多位城中名人及藝人為她賀壽，當中包括傅明憲、夏文汐、葉偉信、谷德昭、林小明等等。
Alvina開心地說：「平時工作都好忙，所以趁生日約埋一班朋友相聚一下。（有咩生日願望？）希望自己同家人都身體健康、開開心心。」
黃百鳴即場送上兩封大利是給女兒，他表示經常出席朋友舉行的派對，但今次感覺有點與別不同。黃百鳴說：「今次係個女嘅生日會，見到咁多好朋友都出席支持，就知道個女已經長大嘞，我祝佢自己嘅事業更上一層樓。」
