對感情事低調的基仔一直採迴避態度，前晚在演唱會上亦迂迴的開玩笑，使Lorraine的「基嫂」身份仍未被認定。至於嘉賓「Laughing哥」謝天華則和基仔以金句過招，令全場拍爛手掌！
「古巨基eYE FEVEr演唱會」前晚開鑼，並公開愛的宣言：「我入行以來有一位親密嘅另一半！」話口未完，台下即有不少觀眾大叫結婚和Lorraine名字，基仔笑說：「究竟你講定我講？佢OK靚、幾純品……唔經唔覺已經十五年，佢從來對我嘅感情好大膽流露，會毫不猶豫講我愛你，反而我冇咁嘅勇氣，今晚我想承認佢身份！」
當歌迷以為基仔會認定Lorraine身份時，他卻大耍太極說：「佢姓你，叫哋，即係『你哋』！」全場觀眾即報以噓聲，基仔隨即獻唱《以你為榮》，並說：「多謝一直陪住我嘅大家！」事後基仔堅持「另一半」是指「你哋」，問他尾場會否公開Lorraine身份？他說：「唔會！」而Lorraine則刻意躲在後台，避過傳媒追訪。
同謝天華金句互片
基仔首次在個唱上載歌載舞，且跟女舞蹈家大跳tango，又以一身八十年代造型又唱又跳。而「Laughing哥」謝天華和基仔合唱《學警狙擊》主題曲後，二人更你一言我一語以金句過招，天華挑戰基仔說：「唔係我條底線set得低，係我根本冇底線！」基仔迎戰反擊：「今晚嚟到eye fever，真係好想錫吓你下巴！」其時基仔一度忘記台詞要向控制台求救。
傳英皇加入爭奪戰
盛傳基仔對所屬的金牌大風採拖字訣未續約，另一方面又向英皇和華誼兄弟送秋波，因而激怒金牌大風，但基仔否認其事。據悉基仔除了跟英皇和華誼兄弟洽談合作外，亦有多間唱片公司向他招手，而基仔跟英皇目前仍在洽談中，並未達到決定性地步，而前晚未見金牌大風旗下歌手捧場。
文：音樂組