楊怡（右起）、佘詩曼、李詩韻昨日為無綫古裝新劇《宮心計》拍攝外景，期間楊怡不時摸着髮髻頭飾大叫好重，據知一個頭飾大約重四公斤，楊怡還表示：「呢套劇最辛苦係個頭飾太重，依家我頸膊都腫晒，每晚都要敷膏藥。」
至於以大肚裝示人的李詩韻，表示雖然又要裝胸又要裝肚，不過最辛苦是要戴住大大個頭飾，她說：「第一次扮古裝大肚婆，今次除咗要裝肚之外，仲要墊大啲個胸。（會唔會好熱好辛苦？）唔會，因為最辛苦係戴住個頭飾，重到一半對白畀佢壓到唔記得。」
昨日三人之中，以阿佘的頭飾最輕，難怪她表現輕鬆，更笑指楊怡重你個頭，阿佘表示：「依家仲係下人，所以冇咁多頭飾，遲啲做妃子會戴呢種頭飾，都驚到時會頭痛。」
