昨日在時代廣場的大電視上播出衞詩的最新消息及片段，吸引眾多市民圍觀，而對於衞詩的判刑及以減壓為由吸毒，市民則意見不一。
林先生：「一個女仔喺外地咁判都OK，其實外國都好多人食（毒品），而且佢返到香港都唔好受！雖然每個人都有自己減壓方法，但吸毒就唔好啦！」
盧太：「判刑太輕，吸毒減壓根本係藉口，加上佢係藝人嘅身份，更加應該要做好榜樣。」
林小姐：「壓力好多人都會有，但唔覺得減壓要吸毒，大人應該向自己行為負責。」
張小姐：「判刑太輕唔合理，起碼都應該要坐監，壓力太大唔係吸毒原因。」
羅先生：「以藝人嚟講刑期正路，其實99%人有壓力，但都唔會吸毒減壓，好多大老闆都好大壓力啦，吸毒減壓唔係解釋。」
陳先生：「起碼佢肯認，判刑都算合理，但吸毒嚟減壓解釋勉強，唔接受。」