本文重點
周柏豪首次拍攝跳海戲，帶定三條內褲卻忘記穿泳褲打底，幸好其「處男跳海」一take成功，與他合作拍攝的邵美琪亦忍不住大讚：「well done！」
前日周柏豪、邵美琪、黃德斌和黃浩然於西貢的船廠為劇集《廉政行動2009》拍攝一場跳海戲。雖然附近水面有不少垃圾漂浮，但柏豪毫無懼色地說：「唔緊要啦，郭富城拍《C＋偵探》跳嗰條河咪仲污糟，我呢條係蚊髀同牛髀。」
欠缺「跳海」經驗的柏豪自爆瘀事：「游水我冇問題，四、五年前我都做過救生員，自己諗住做好晒準備帶埋三條底褲去替換，但竟然冇諗到着泳褲打底，毛巾又冇帶，下次有經驗應該唔會再帶錯。」
一take成功
導演拍畢黃德斌掟手提包落海一幕已幾近太陽落山，柏豪終於等到要跳海執錢包。柏豪為減低緊張情緒，除了頻頻試走位外，又做出搞笑拉筋動作。當正式埋位時，柏豪一鼓作氣飛身插水跳海執回錢包，再游到岸上交給對手邵美琪，一take成功唔使NG，令邵美琪也忍不住大讚：「well done！」
由於柏豪「處男跳海」一take收貨，之後只需補拍兩三次游上岸的鏡頭。全身濕透的柏豪一上水便謂：「好凍呀，啲水好鹹，但又幾好玩。」
文：音樂組
攝：秦健輝