郭羨妮前晚為意大利鞋履品牌的專門店擔任剪綵嘉賓，早前被家傭咬傷的她，坦言未有收到各前度緋聞男友的慰問。另外，她笑謂現時家務由自己包辦，暫時無意再請家傭，看來被咬傷一事確實為她帶來很大陰影。
郭羨妮、周汶錡、溫碧霞與李亞男前晚為意大利鞋履品牌Giuseppe Zanotti的首間專門店擔任剪綵嘉賓。早前被家傭咬傷的郭羨妮，在傷口貼上去疤貼，她笑謂現時家務由自己包辦，暫無意再請家傭，她說︰「再搵個夾到、溝通到、啱自己嘅（家傭）好難，都係自己做番好啲。」
多朋友關心
郭羨妮又平淡地說過往的緋聞男友們均沒有慰問她︰「冇喎，一個都冇（慰問）。（咁冇心肝？）無謂啦，唔需要再聯絡，（溫兆倫？）呢個唔需要，冇需要聯絡，（殼王陳國強？）呢個更加無謂，咁傳我都激氣，（大宇？）總之全部都冇，（佢同番老婆一齊，唔得閒理你？）唔需要，總之之前所謂嘅緋聞男友都唔需要慰問我。我亦唔會感慨，反而開心好多朋友關心我，收到好多慰問。」
六位數置裝
而同場的溫碧霞，表示添置了六位數字新裝應付拍廣告需要，她說︰「我唔使老公埋單，多數用自己錢買，不過冇所謂啦，都搵得番。遲啲同老公去歐洲旅行，我諗都會大出血，但唔會淨係買衫，我同老公都鍾意藝術，會行藝術館。」另外金像獎由張家輝封帝，她坦言是其心水選擇，不過不能在現場欣賞的她，不諱言希望能看足本轉播。
文︰名人組