袁詠儀（靚靚）跟羅嘉良在新劇中有不少親熱戲，但嘉良卻未有理會對手的感受，未埋位時煙鏟上身，令靚靚差點要拿出口腔清潔噴霧來對付他，嘉良也笑指自己衰格。
靚靚與嘉良昨日在烏溪沙為《富貴門》拍攝一場「蜻蜓點水式」咀戲，靚靚笑言：「只要表現到愛就得，唔使錫到打晒交叉嘅。」靚靚透露二人在劇中有不少親熱戲，所以昨日只屬小兒科，而他們咀了四次就順利完成拍攝。
自認衰格
拍攝前嘉良一直吸煙，靚靚即笑言：「我有支噴霧對付佢，唔止佢㗎，我又噴自己，同馬德鐘拍又有噴佢，不過今日係咁意錫，唔使用，免得佢覺得我嫌棄佢。」對於靚靚未有用噴霧對付他，嘉良笑言：「係我衰格，煙鏟唔理人感受，其實我哋拍得好開心。」
瞓足三日
靚靚表示尚有三天便完成拍攝，她揚言已向老公張智霖及媽咪申請抖足三日：「我會瞓足三日，唔出街唔湊仔。」而嘉良會於廿八日完成戲份，並會立即返回內地拍廣告及電影《男兒本色》。他又表示未婚妻蘇岩正忙着拍劇，二人各有各忙，嘉良更笑指：「可能下一次見面係影婚紗相嗰一日。」
文、攝：影視組