李曼筠（Maggie）昨出席活動，她雖貼上大會貼紙，但因身材過於豐滿令貼紙經常跌下，她笑說：「同身材冇關，係個貼紙唔黐啫。」
說到Kama跟張文慈爭櫈仔事件，當日也在現場的Maggie就為Kama講好說話：「當時Kama有嘢要佢助手幫，所以先會坐咗喺文慈個位度，係時間上嘅問題，佢之後都有起身，相信文慈咁大方唔會嬲。（公關都話佢助手唔肯起身？）係擾攘咗一陣，不過之後佢都有起。」
Maggie將北上拍戲：「我就嚟會去橫店拍《大內密探零零狗》，我知道要拍古裝已經好開心，因為未試過。（會谷湯碗胸？）未試造型，我個角色係宮女，唔知啲衫會唔會好似《黃金甲》咁勁？」
