出爐影后鮑起靜工作不斷，前日在拍攝亞視節目時，體力不支，嘔吐大作，要急送院醫治。鮑姐的多年好友方中信得悉事件大為緊張，不過，敬業的鮑姐昨晨出院後，仍堅持昨晚為《金像影后鮑起靜》工作。
鮑姐自當選金像影后，忙於出席各大小慶功及好友飯聚，並要趕拍電影《月滿軒尼詩》，以及拍攝亞視常規節目《開心大發現2009》，前日終支持不住而倒下。
截公關為友爭取假期
方中信得知鮑姐入院，但未能即時聯絡有關人等，他情緒激動直奔鮑姐家，那時正好遇上鮑姐從醫院返家，方中信即為老友出頭，成功向陪同鮑姐返家的亞視公關，爭取兩天假期。他說：「鮑姐上咗年紀，唔可以太操勞，正當全部人炮轟無綫，亞視仲用人咁盡……」
據鮑姐的丈夫方平透露，鮑姐已打止嘔針，情況已好轉，但仍堅持為晚上的《金》演出。問他可感到亞視收買人命？方平說：「佢辛苦就梗啦，一個獎項冇乜咁巴閉，係班人戥佢高興，而鮑姐又盛情難卻啫，我都有向亞視反映，所以今日冇錄《開》，但夜晚個騷，佢話唔想失場。」亞視高層葉家寶稱，鮑姐說精神很好，才堅持演出《金》，但亞視亦有勸喻鮑姐，因為全公司人都予以關心的。
趕禮拜出街撐住錄影
還在病榻的鮑姐，昨日在電話中不停向記者說不好意思：「都係自己衰，我尋日錄影前飲咗杯凍咖啡就出事，（方中信戥你不值？）佢傻㗎，我知佢好錫我，我冇事，（亞視收買人命？）唔係，其實今晚係同許鞍華約好，咁難得，而佢又要去意大利，我唔好意思推，今次唔錄就趕唔切星期日播出，預計一個多鐘就搞掂。」
年屆六十的鮑姐敬業樂業，堅持今日為電影《月》的淋雨戲份演出，令關心她的人都心痛，她說：「呢場戲好重要，我唔可以失場，淋雨都要拍。」
文：影視組