楊丞琳被捧為新一代「鬼后」，與江若琳「以身犯險」，齊出發到泰國拍戲。「雙琳」奉旨化身女俠，打救身陷險境的兩位男主角，電影公司將為一眾演員買重保險，以防萬一。
彭氏兄弟決定「回歸」其拿手好戲，六月開拍「見鬼系列」新片《童眼》，並找來「雙琳」擔當女主角。據悉，楊丞琳將繼台劇《愛情白皮書》後，再次與余文樂扮演情侶，劇情交代她與好姐妹江若琳到泰國旅行期間滯留機場，其後遇上連串怪事，最終更拯救兩位型男余文樂及徐正曦出險境。
泰國拍示威戲
身為泰國地頭蟲的彭氏兄弟，無懼近日當地政局動盪，決拉隊往彼邦取景，彭順昨接受電話訪問更打趣：「我哋會有場示威戲，泰國啱晒我哋啦﹗（幫演員買重保險？）呢樣一定會。」
彭氏兄弟之所以揀中楊丞琳，原來是因其被狠飛的情傷經歷，彭順說：「其實直至依家我哋都未碰過面，不過我寫劇本嘅時候，突然諗起佢曾經接受過訪問，講起以前佢拍拖一啲唔開心嘅回憶，同我哋嘅女主角經歷好相似，大家一拍即合囉。」由於《童》片以立體3D技術掛帥，負責投資的寰宇電影大灑金錢，購入兩部高清立體攝製機拍攝。
江若琳兄妹情
至於另一女主角江若琳早前與何浚尉（Rex）在《愛情故事》內有感情瓜葛，今次彭順「錯點鴛鴦」，將二人由情侶關係變成兄妹情。
文：影視組