謝賢（四哥）昨接受查小欣《巴巴閉邊個夠我查篤撐》訪問，節目以「四哥謝賢型到爆」介紹他，冧到忘形的四哥不慎爆粗：「搞到我唔衰得，成日要Keep，有時諗如果有人話我：『四哥，你好皺，你×街啦！』」查小欣即補鑊說：「×××。」四哥知道失言，大笑說：「PK！PK！PK！」
四哥錯開有條路，講到媽咪已九十七歲時，開玩笑說：「唔應該喺度，要了結，如果自己唔行得、唔玩得、唔食得，要坐輪椅就搞掂自己，入老人院好可憐。」查小欣急忙說：「生命可貴。」事後廣管局指沒收到投訴，而查小欣亦指：「依家啲人講嘢好危險，不過以前有人喺其他節目講『×街』都可過關，四哥只係口快快。」
