「爆肺歌后」謝安琪前晚於《勁歌金曲》翻唱《七友》，但表現卻略為失準，一度徘徊走音邊緣。謝安琪事後否認歌曲跟她的聲線唔啱key，更死撐指唱別人的歌曲時都會加上自己的風格，懂得音樂的樂迷自然識分。
謝安琪（Kay）、梁漢文及剛從台灣回流香港發展的蕭希榆（前名蕭瀟）等前晚出席《勁歌金曲》的現場直播。席上Kay翻唱梁漢文的作品《七友》，但她卻表現得危危乎，更一度徘徊走音的邊緣。
唔夠時間休息
事後問Kay該歌曲的key是否過低？她說：「唔係，感覺OK。（好似就嚟走音？）因為我唔係好肯定啲歌詞，所以一路唱一路諗緊。我唱人哋啲歌都會加自己嘅風格，熟悉音樂嘅歌迷會識分。」雖然個唱在即，不過Kay依然工作不斷，她謂：「好多日都唔夠瞓，希望個唱前可以有多啲時候休息！」
王菲新歌上榜
對於Kay演繹自己作品時表現未如理想，梁漢文即力撐對方說：「我唔係好覺，可能大家聽慣我唱嘅版本，所以先覺得佢唱時怪。」梁漢文又透露未來半年的工作已排得密密麻麻，問他是否要押後造人大計？他即笑謂：「唔一定要今年有，三年內有已經OK。（被人影到睇BB嘢？）當時只係想八吓，以後都唔睇喇。」另外，王菲的新歌《我愛你》前晚成為勁歌金榜的上榜歌。
文：影視組