千億新抱徐子淇下月將做第二任媽咪，早前曾傳出她專掃男裝嬰兒服，故足不出戶在家安胎是為保「慈姑椗」，徐子淇好友化妝師Gary Chung和鄺文亦經常登門造訪，Gary讚子淇今胎佗得靚，不再似怪獸史力加。
徐子淇御用星級化妝師Gary Chung昨日出席活動時，被問到子淇的預產期，他繼續口密說：「佢依家好大個肚，又要我幫佢揀啲有機嘅護膚品。（仔定女？）我唔知，我想畀驚喜自己。」
好友大讚佗得更靚
Gary更大讚子淇比上一胎佗得更靚，更笑說：「哈！上次佢佗到好似怪獸史力加咁，今次只係個身肥咗少少，無爆瘡。（胃口？）以往佢做model慣咗食漢堡包，但依家會自備一兜菜，有佢媽咪嘅湯水。」至於子淇是否搬了新居，他說：「都係嗰度啦，（酒店？）我唔知。」
而子淇另一好友鄺文珣昨偕同丈夫和兒子出席在迪士尼酒店舉行的康盛人生臍帶血儲存庫四周年慶典。本身有幫兒子儲臍帶血，問她有否介紹子淇幫BB儲臍帶血？她說：「我估佢應該有儲。（佢佗BB佗成點？）佢依家好開心、好健康，第二胎佢佗得輕鬆啲。」
樂基兒愛錫小朋友
另外，黎明嫂樂基兒於本周二（21日）應一品牌邀請，飛往美國洛杉磯出席新店開幕任嘉賓，成為唯一香港代表。昨日她出席迪士尼樂園向寄養父母活動致敬，一向充滿愛心的她表示在美國與家人一起助養小朋友，而她亦經常和兩個年紀較小的妹妹玩耍，她說若將來做了媽咪，一定會以小朋友為先。
文：名人組