林志玲罩不住的豐情

頒獎禮雖然於毛毛細雨下舉行，但未有影響眾星行紅地氈心情，不少女星為博攞衣着獎，任由幾百萬行頭被雨淋。低胸露背的劉美君卻「先拔頭籌」，雖獲Jean Paul Gaultier贊助全球只得一件，全人手製作的高級訂造服，何國鉦卻認為她「完全錯配」：「佢件衫係好靚，不過今晚係慶祝香港電影一百周年，好似同個場合唔配合。佢着到好似艷舞女郎，係好Sexy，但點解要戴個黑Bra？」此外，他亦認為張雨綺的身形與身上晚裝不配：「佢已經好大份！件衫着到佢好似冇咗條腰，仲大隻咗！」

放大圖片	徐熙媛 Harry Winston鑽石首飾 $2,254,000	劉美君 Jean Paul Gaultier高級訂造服鑲晶石晚裝裙

大S身形比例佳

而他認為大S、林志玲、熊黛林、林嘉欣、鄭裕玲穿得恰到好處，而大S身上的拖尾雪紡晚裝裙，亦獲得一致好評，他說：「第一名應該是大S，佢個人雖然好矮，但身形比例好，件衫好難着得好睇，但佢着到好靚！」而林嘉欣一身Escada Cocktail dress，則顯得較成熟，但有朱玲玲般的高貴感覺：「不過可能佢揀衫保守咗，埋沒佢好靚嘅身材。」而張家輝與關詠荷夫婦，一黑一白現身，亦被他評為最Sharp夫婦組合。

莫小奇 Dior淺灰色晚裝、高跟鞋、配飾	林嘉欣 Escada 09初秋藍色絲質晚裝裙　$52,960手袋　$8,800Chaumet鑽飾 $2,847,000	冼色麗 Escada 09初夏粉紅絲質晚裝裙 $28,790

田中千繪險仆低

紅地氈上亦有不少驚險場面，日籍女星田中千繪因其長裙拖尾太長加上場地太跣，險些跌倒。而林志玲的晚裝雖有離罩迹象，但何國鉦依然大讚皮膚白滑的她穿金色晚裝簡直一流，若加多一條頸鏈，更錦上添花。另外，林志玲昨晚被問到與邱士楷傳婚訊一事，她說：「不是，沒可能！」並指沒與對方聯絡。而湖南電視台節目亦發聲明謂節目中並沒涉及任何有關林志玲的緋聞。

熊黛林 Dior晚裝	周迅 Chanel 09秋冬高級訂造服	湯唯 Valentino 09春夏紅色單肩長裙

文：名人組