本文重點
何韻詩（阿詩）將於今年十月再踏紅館舉行個唱，昨日現身音樂會綵排活動時，透露幸有楊千嬅成人之美讓出檔期，圓其「十月情意結」，阿詩笑言古時有「孔融讓梨」，今日有「千嬅讓期」！
阿詩、陳偉霆（William）、鄭融與方皓玟昨日為《新城Blue Girl唱好Easter音樂會》進行綵排，將於紅館再度開騷的阿詩，透露對十月有一份情意結，最初得知未能拿到檔期亦感失望，幸有同門的千嬅成她美夢，讓出檔期，阿詩萬分感激說：「一來上次個唱都係喺十月搞，二來係我師傅梅艷芳好特別嘅日子（梅姐生忌為十月十日），千嬅喺同事口中知我好想要，就特別打畀我，仲同公司講『除非畀阿詩』，真係非常多謝佢。」
陳偉霆鄭融有緣
阿詩又笑言古時有「孔融讓梨」，今日有「千嬅讓期」。問到會否請千嬅作嘉賓，她表示由於個唱仍在構思中，場數與嘉賓暫時為未知之數。至於面對金融風暴，而且不同類型音樂騷湧現，阿詩亦言有擔心，不過個唱壓力則來自「新突破」，阿詩表示將絞盡腦汁為樂迷帶來新驚喜。
此外，William將與鄭融在音樂會上大鬥舞技，並會合唱原為周柏豪與鄭融的hit歌《一事無成》，William大讚鄭融夠hot：「一直都想同阿融合作，因為大家都係跳舞，今日特登戴番頂『柏豪帽』！」而鄭融與William合作則大叫「有緣」，她說：「次次都係同柏豪唱，都真係想同柏豪之外嘅人合作。」
採訪：音樂組